Privacy Policy

Qormadaan waxaan ku taageerayaa Heshiiskii uu la gaaray madaxweynaha Dalka Somalia Mudane Xasan Sheekh Maxamuud Dhegiisa dalka Kenya kaas oo ku aadanaa Aayaha Qaxootiga Soomaaliyeed ee ku sugan Xeryaha Qaxootiga Dhadhaab ee dalka Kenya.

Maalmo kahor ayey shaacisay dowladda kenya ineey dib u celineeyso qaxootiga Soomalida ee dalkeeda ku sugan taasoo walaac weyn ku abuurtay guud ahaan umadda Soomaaliyeed, Hayeeshee Safar uu ku tagay Kenya Madaxweyne Xasan Sheekh iyo wafdi la socday kadib ayaa waxaa dowladaasi uu lagaaray heshiis laab qaboobsi u noqday umadda Soomaaliyeed waxana uu madaxweynuhu sheegay in Qaxootiga Soomaalida ee ku sugan dalka Kenya aan si qasab ah dib loogu celin karin isagoona lasoo saxiixday heshiis sedex geesood ah oo ay ku mideysnaayeen Dowladaha Soomaaliya, Kenya iyo Hey'adda Qaramada midoobay u qaabilsan arimaha Qaxootiga ee UNHCR.

Kahor Safarka madaxweynaha Soomaaliya ee uu ku tagay dalka Kenya, waxa uu saxaafadda ka sheegay in uu joojin doono Khaatka, taasoo noqotay hub uu kula gorgortamo dowladda Kenya oo maalmo kahor shaacisay ineey si Qasab ah ku celin doonto Qaxootiga Soomaalida ee Dalkeeda ku sugan, Inkastoo Go'aan kaasi uu isbedelay kadib markii Dowladda Soomaaliya dhankeeda ay la tagtay Goobta shirka Go'aanka ah ineey joojin doonto Khaatka, taasoo ku kaliftay Dowladda kenya ineey ka laabato Go'aankeedii.

Heshiiska Sedex geesoodka ay ayaa waxa uu dhigayaa in Qaxootiga Soomaalida ee ku Sugan Xeryaha Dhadhaab aan si qasab ah loo celin karin, Soo noqoshadooduna ay ku dhici karto kaliya

 ciddii doonta ineey ku laabato dalkeeda si xur ah ugu laaban karto islamarkaana lasiinayo kalmo dhaqaale oo dhiirigelin u noqon karta.

Dadka falanqeeya Siyaasadda Gobolka ayaa sheegaya Go'aanka Ay Dowladda Soomaaliya ku gashay Heshiiskaasi inuu ka dhigan yahay  in dolwadda Soomaaliya ay noqotay mid Qalqaalo siyaasadeed iyo gorgortanba la geli karto dowladaha gobolka, taasoo loo arko ahmiyad siyaasadeed oo ay ku tallaabsatay Dowladda Soomaaliya.

Lahaanshiyaha Dowlad haba ahaato mid tabar daran ayaa waxa ay horseedeysaa in dowladdu ay lahaato galaangal siyaasadeed ay ku difaaci karto qaar ka mid ah dadkeeda, horaa waxaa loo yiri

"Dowla xumi waxa ay Dhaataa Dowalad La'aan".

Deegaanada Qaar ee Soomaalida waxaa ka taagan Muranno ku saleeysan Deegaameysi oo ugu danbeeyn ku biyo shubta Qabyaalad taasoo ay gadaal ka riixayaan Gacmo shisheeye oo doonaya ineey kala dhantaalaan midnimada Soomaaliya, hadaba deegaameeysi ma ugu garaabi karnaa dadkeenna ku dhibtoonaya dalalka jaarka iyo kuwa caalamigaba?.

Jawaabtu waa maya, Doc waliba ee  aad kaga nooshahay Dalka Soomaaliya waxa kaliya ee ku ilaalin karaa waa dowladnimo.

Sadaam Abdi
tel: +25261 5593943
Facebook: https://www.facebook.com/SadaamAO
Twitter: @SadaamAbdi